|
Монгол улсын Засгийн газраас 2008 оныг “Хүнсний хангамж, аюулгүй байдлын жил” болгон зарласантай холбогдуулан Улсын мэргэжлийн хяналтын газраас хүнсний аюулгүй байдлыг хангуулах ажлын хүрээнд зохион байгуулах, хэрэгжүүлэх ажлын төлөвлөгөөг батлан, үйл ажиллагаандаа мөрдлөг болгон ажиллаж байна. Энэхүү төлөвлөгөөний хүрээнд 2008 оны эхний хагас жилд õèéñýí ажлàà ÓÌÕÃ ä¿ãíýëýý. Монгол улсын Засгийн газраас 2008 оныг “Хүнсний хангамж, аюулгүй байдлын жил” болгон зарласнаар төр, засгийн бүх түвшинд хүнсний хангамж, аюулгүй байдлыг хангах асуудалд анхаарал хандуулж, тодорхой зорилтууд дэвшүүлэн ажиллаж байна. Манай байгууллага хүнсний аюулгүй байдлыг хангуулах ажлын хүрээнд хүнсийг бэлтгэх, боловсруулах, хадгалах, нөөцлөх, тээвэрлэх, борлуулах хүртэлх бүх шат дамжлагад төрийн нэрийн өмнөөс мэргэжлийн хяналт шалгалт хийх, энэ чиглэлээр үүрэг хүлээсэн аж ахуйн нэгж, байгууллага, албан тушаалтан, иргэнд шаардлага тавьж холбогдох хууль тогтоомжийн хэрэгжилтийг хангуулах, зөрчлөөс урьдчилан сэргийлэх, хүнсний аюулгүй байдалд үнэлгээ, дүгнэлт өгч, цаашид авах арга хэмжээг тодорхойлох, мэргэжлийн заавар зөвлөгөө өгөх, хууль тогтоомж, стандартыг сурталчлан таниулах, эрх зүйн орчинг боловсронгуй болгох санал боловсруулан шийдвэрлүүлэх чиг үүргийг гүйцэтгэж ирлээ. |
